ქერქლისებრი - Synonyms of ქერქლისებრი | Antonyms of ქერქლისებრი | Definition of ქერქლისებრი | Example of ქერქლისებრი | Word Synonyms API

Article	Example
კვიპაროზი	კვიპაროზი (Cupressus) — მარადმწვანე ხეების, იშვიათად — ბუჩქების, გვარი კვიპაროზისებრთა ოჯახიდან. პირამიდული ან გაშლილვარჯიანი ხეა. აქვს ყავისფერი ქერქი და ჯვარედინ-საპირისპიროდ განლაგებული ქერქლისებრი წიწვები. მეტნაკლებად მსხვილი, ბურთის ფორმის გირჩები დარგვიდან მეორე წელს მწიფდება. გვარში 15-20 სახეობაა. გავრცელებულია ევროპის, აზიის, ჩრდილოეთ აფრიკისა და ჩრდილოეთ ამერიკის ზომიერად თბილ სარტყელში. ყირიმში, კავკასიასა და შუა აზიის ზოგ რაიონში კულტივირებულია კვიპაროზის 11 სახეობა.
ჩიტიბუდა	ჩიტიბუდა () — მცენარეთა გვარი ჯადვარისებრთა ოჯახისა. მრავალწლოვანი ბალახებია. ფესურა დაფარულია მრავალი მჭიდროდა მიჯრილი ხორცოვანი ფესვით, რომელიც ჩიტის ბუდის შთაბეჭდილებას ტოვებს. ღერო და ქერქლისებრი ფოთოლი მოყვითალო-წაბლისფერი და უქროლოფილოა. ყვავილები მეჩხერ მტევნებადაა შეკრებილი. საქართველოში მხოლოდ ერთი — ჩვეულებრივი ჩიტიბუდა გვხვდება, რომლის მურა ფერის ყვავილს თაფლის სუნი აქვს. გვხვდება ყველგან მთის შუა სარტყელამდე ტყეში.
ჯოჯო	ჯოჯო (ლათ. Ulex) — მცენარეთა გვარი პარკოსანთა ოჯახისა, 2 მეტრამდე სიმაღლის ბუჩქებია. სქლად შებუსული ეკლიანი ტოტები და ქერქლისებრი ფოთლები აქვთ. დიდი, მოოქროსფრო-ყვითელი ყვავილები ორ-ორად სხედან ფოთლის იღლიებში. გვარში 2-მდე სახეობაა, რომლებიც გავრცელებულია დასავლეთ ევროპაში. საქართველოში (კოლხეთში) გვხვდება მხოლოდ 1 სახეობა — ევროპული ჯოჯო (Ulex Europaeus). იზრდება ზღვისპირა რაიონებში, დეგრადირებულ ფერდობებზე, გზის პირებზე. გაველურებულია.
კლადონია	კლადონია () — მღიერების გვარი. აქვთ ორგვარი თალუსი: პირველადი — ჰორიზონტალური, ქაფისებრი ან ქერქლისებრი. მეორეული — ვერტიკალური, აღმოცენდება ხოლმე პირბელადისაგან, სადგისებრი, რქისებრი ან დაბუჩქული გამონაზარდების — პოდეციუმების სახით. ცნობილია 300-მდე სახეობა. სახლობენ ძირითადად ნიადაგზე, ტყეში (მეტწილად ფიჭვნარში), ტუნდრასა და ჭაობში. ზოგი სახეობა ჩრდილოეთი ირმის საკვებია, ზოგი უსნინის მჟავას შეიცავს და სამკურნალოა.
საქსაული	საქსაული — მცენარეთა გვარი ნაცარქათამასებრთა ოჯახისა. მარალი ბუჩქები ან ტანდაბალი ხეებისა. მათი სიმაღლე 1,5 — 12 მ აღწევს. დიამეტრი ღეროს ძირში 20 — 65 (100) სმ. აქვს ფაშარი ან ხშირი ვარჯი, ზოგჯერ დაკიდებული, მტვრევადი ტოტებით. დანაწევრებულ მწვანე ყლორტებზე უფერული, ქერქლისებრი, წვრილი ფოთლები განლაგებულია ერთმანეთის საპირისპიროდ, ზოგჯერ ისინი ხორკლის მსგავსია.