რცხილნარით - Synonyms of რცხილნარით | Antonyms of რცხილნარით | Definition of რცხილნარით | Example of რცხილნარით | Word Synonyms API

Article	Example
სანიშნო	სანიშნო — მთა თრიალეთის ქედის აღმოსავლეთ განშტოებაზე, გარდაბნის მუნიციპალიტეტში. სიმაღლე 1499 მ. სანიშნოს მიდამოები აგებულია ზედაეოცენური ქვიშაქვებითა და თიხებით. კალთები შემოსილია მუხნარ-რცხილნარით.
აღმოსავლეთი საქართველო	აღმოსავლეთ საქართველოში ტყეები მრავალნაირია. ისინი იცვლებიან ვერტიკალური პროფილის, რელიეფის პირობებისა და ეკოტოპის ტენიანობის შესაბამისად. ტყის სარტყლის ქვედა ნაწილში ჭარბობს მუხნარი, რომლის მეორე იარუსში იზრდება ჯაგრცხილა, ზოგან აგრეთვე ზღმარტლი, კუნელი, ტყემალი, თამელი, ასკილი, გრაკლა, თრიმლი, კურდღლისცოცხა და სხვა. ალაზნის მარცხენანაპირეთში გავრცელებულია წაბლი, რცხილა, ბოყვი, ურთხელი და სხვა. ხეობებში ქვეტყეში იზრდება ჯონჯოლი, უცვეთელა, თხილი და სხვა; ხეებზე შემოხვეულია ჩვეულებრივი და პასტუხოვის სურო. ზემოთ ეს ტყეები იცვლება მუხნარ-რცხილნარით, რცხილნარით, რცხილნარ-წაბლნარით.
სათიბის ქედი	სათიბის ქედი — განედური ქედი მდინარე ქსანსა და ნარეკვავს შორის. სიგრძე — 18 კმ. საშუალო სიმაღლე — 900 მ, მაქსიმალური — 1021 მ. აგებულია ნეოგენური კონტინენტური კონგლომერატებით, თიხებისა და ქვიშაქვების შუაშრეებით. ქედის სამხრეთი კალთა შემოსილია ჯაგეკლიან-ჯაგრცხილნარით, ჩრდილოეთით — მუხნარ-რცხილნარით.
ნასერალი	ნასერალი, ნასერალის ქედი — დაბალი განედური ქედი აღმოსავლეთ საქართველოში, ქალაქ თბილისის ჩრდილო ნაწილში. წარმოადგენს მდინარეების გლდანისხევისა და ხევძმარის წყალგამყოფს. იწყება სოფელ გლდანიდან, მიემართება აღმოსავლეთით. სიგრძე 4 კილომეტრი. მაქსიმალური სიმაღლე 909 მ. აგებულია ზედაეოცენური თაბაშირიანი თიხებითა და ქვიშაქვებით. ჩრდილოეთი კალთა შემოსილია მეორეული ფოთლვანი ტყე-ბუჩქნარით, სამხრეთი — ჯაგ-რცხილნარით, ზოგან ჯაგეკლიანი სტეპიცაა.
ნოჯიკეთი (მთა)	ნოჯიკეთი — მთა ქართლის ქედის სამხრეთ ნაწილის თხემზე, მდინარე წირდალისხევისა (არაგვის მარცხენა შენაკადი) და თეთრახევის (ივრის აუზი) სათავეში. სიმაღლე 1580 მ. აგებულია ინტენსიურად დანაოჭებული ცარცული თიხაფიქლებით, ქვიშაქვებითა და კონგლომერატებით. ნოჯიკეთის ქვედა და შუა კალთები შემოსილია მუხნარ-რცხილნარით (ზოგან წიფლნარით), ზედა კალთები და წვერი — მეორეული სუბალპური მდელოებით.